रोमियों 8:14-17

14 ज्यांतै के जितने माणस परमेसवर के आत्मा के चलाए चाल्‍लै सै, वेए परमेसवर की औलाद सै। 15 क्यूँके थारे ताहीं गुलामी की आत्मा कोनी दी गई, के थम डरो, पर पवित्र आत्मा हमनै परमेसवर की औलाद बणावै सै, जिसतै हम हे अब्बा, हे पिता कहकै बोल्‍लां सां। 16 पवित्र आत्मा आप ए म्हारी आत्मा कै गेल्या गवाही देवै सै, के हम परमेसवर की औलाद सां, 17 अर जै औलाद सां तो वारिस भी, बल्के परमेसवर के वारिस अर मसीह कै संगी वारिस सां, अगर हम मसीह के ढाळ दुख ठावांगे, तो हम उसकी महिमा म्ह भी शामिल हो पावांगे।