यूहन्ना 19

23 जेबे सिपाई यीशुए खे क्रूसो रे चढ़ाई चुके, तेबे तिना रे टाल्ले लयी की चार इस्से कित्ते, हर सिपाईए खे एक इस्सा, तेबे तिने कुरता बी लया पर कुरता बिना सलाईया ते ऊबो ते लयी की ऊँदो तक बुणेया रा था। 24 तेबे तिने आपू बीचे बोलेया, "आसे एसखे फाड़ना रणी देऊँए, पर एते पाँदे पर्ची पाऊँए कि ये केसरा ऊणा। ये तेबे ऊआ कि पवित्र शास्त्रो री गल्ल पूरी ओ कि

‘तिने आपू बीचे मेरे टाल्ले बांडी ते

और मेरे टाल्लेया पाँदे पर्ची पायी’"

25 तो सिपाईए एड़ा ई कित्तेया। यीशुए रे क्रूसो गे तिना री आम्मा और तेसा री बईण, क्लोपासो री लाड़ी मरियम और मरियम मगदलिनी खड़ी रिया थिया। 26 जेबे यीशुए आपणी आम्मा और तेस चेले खे जेसते से प्यार राखो था, नेड़े खड़े रा देखेया तो आपणी आम्मा खे बोलेया, "ओ जवाणसे, देख, ये तेरा पाऊए।" 27 तेबे तिने चेले खे बोलेया, "ये तेरी आम्मा ए।" तेबे तेसी बखते से चेला तेसा खे आपणे कअरे लयी गा।