यूहन्ना 6

32 यीशुए तिना खे बोलेया, "आऊँ तुसा खे सच्च-सच्च बोलूँआ कि मूसे सेयो रोटिया तुसा खे स्वर्गो ते नि दित्तिया, बल्कि मेरा पिता तुसा खे सच्ची रोटिया स्वर्गो ते देओआ। 33 कऊँकि परमेशरो री रोटी सेईए, जो स्वर्गो ते उतरी की दुनिया रे लोका खे जीवन देओई।" 34 तेबे तिने तिना खे बोलेया, "ओ प्रभु! एसा रोटिया आसा खे सदा देया कर।"

35 यीशुए तिना खे बोलेया, "जीवनो री रोटी आऊँ ए; जो मांगे आऊणा, से कदी पूखा नि ऊणा और जेस मां पाँदे विश्वास करना, से कदी त्याया नि ऊणा।