मसीह मां ज़ींत ते जोश
14 परमेशरेरू शुक्र भोए, ज़ै मसीह मां सदा असन ज़ीतरे जशने मां च़लाते, ते अपने ज्ञानेरी खुशबू इश्शे ज़िरिये हर ठैरी फैलाते। 15 किजोकि अस परमेशरे कां मुक्ति मैल्हने बालां, ते नाश भोने बालन कां, दूईयां केरे लेई मसीहेरी खुशबू आम।
16 केत्रां केरे लेई त मरनेरी मुशक, ते केत्रन जो ज़िन्दगरे लेई ज़िन्दगरी खुशबू, ते इन गल्लां केरे काबल कौने? 17 किजोकि अस तैन केरे ज़ेरे नईं, ज़ैना परमेशरेरू वचन पेइंसां केरे लेई प्रचार केरतन, पन अस मनेरी सच़्च़ैई सेइं, ते परमेशरेरे तरफां परमेशर हाज़र सेमझ़तां मसीह मां ज़ोतम।