6 पन यीशुए तैन सेइं ज़ोवं, "एस छ़ेड्डी देथ! एस किजो तंग केरतथ? एसां त मीं सेइं भलियाई कियोरीए। 7 गरीब मैन्हु त हमेशा तुसन सेइं साथी रहतन। ज़ैखन भी तुस चाथ, तैखन तैन सेइं भलियाई केरि सकतथ, पन अवं तुसन सेइं साथी हमेशा न रालो। 8 ज़ैन किछ ऐह कुआन्श केरि सकती थी, तैन एसां कियूं। एसां मेरी जानी पुड़ इत्र लेइतां मेरे मरनेरां पेइली मेरी जान दबनेरे लेई तियार कियोरीए। 9 अवं तुसन सेइं सच़ ज़ोताईं कि सैरी दुनियाई मां ज़ैड़ी कोन्ची मेरे बारे मां खुशखबरी लोकन शुनाई गाली, तैड़ी ज़ैन कम एसां मीं सेइं कियोरूए तैन भी एसेरी यादी मां ज़ोवं गालू।"
यहूदा यीशु ट्लुवानेरे लेई धोखो केरते
(मत. 26:14-16;लूक. 22:3-6)