मरकुस 14:61-64

61 पन यीशु च़ुप राव, ते किछ जुवाब न दित्तो। तैखन महायाजके तैस फिरी पुछ़ू, "कुन तू परमेशरेरू मट्ठू मसीह आस?" 62 यीशुए ज़ोवं, "हाँ, अवं तै आईं। ते ज़ेन्च़रां परमेशरेरी किताबी मां लिखोरू कि ‘तुस सारे लोक, मैन्हेरू मट्ठू (यानी मीं) सर्वशक्तिमान परमेशरेरी देइने पासे बिश्शोरे त अम्बरे मरां बिदलारे सेइं साथी धेरती पुड़ एजते हेरेले।’" 63 तैखन महायाजके सेरकोइतां, अपना चोगो छ़िन्दतां आदालतेरे मैन्हन सेइं ज़ोवं, "हुनी असन होरि केन्चेरी गवाहेरी ज़रूरत नईं! 64 तुसेईं एप्पू परमेशरेरी तुहीन शुनी! ते तुस एसेरो कुन फैसलो केरतथ?" तैखन तैनेईं सारे मैन्हेईं ज़ोवं कि, "ऐह मैन्हु दोषी आहे किजोकि एनी परमेशरेरी तुहीन की, एल्हेरेलेइ, एस मौतरी सज़ा दे।"