14 यहोवारी न्यायेरी खतरनाक दिहाड़ी नेड़े एज्जी राहोरीए, तै बेड़ी तेज़ी सेइं नेड़े एज्जी राहोरीए; यहोवारे दिहैड़ी आवाज़ शुनोतीए, तैड़ी बहादर सिपाही दुखेरे मारे चिन्डां मारतन।✝1:14 प्रका. 6:17. 15 तै क्रोधेरी दिहाड़ी भोल्ही, तै दुख ते मुसीबतरी दिहाड़ी, तै विनाशेरी दिहाड़ी, ते आंधरेरी दिहाड़ी, तै बिदलार ते काले बिदलारा दिहाड़ी भोल्ही। 16 तै क़िले बाले नगरां ते उच्‍चे गुम्मटां केरे खलाफ जंगरो नरशिंगो बज़ाने ते ललकारनेरी दिहाड़ी भोल्ही। 17 यहोवा ज़ोते, अवं मैन्हन मुसीबती मां छ़डेलो, ते तैना कांना केरे ज़ेरे च़लेले, किजोकि तैनेईं यहोवारे खलाफ पाप कियोरोए; तैन केरो खून मित्तरो ज़ेरो बगेलो ते तैन केरू मास विष्ठारू ज़ेरू शारू गालू। 18 यहोवारी क्रोधेरी दिहैड़ी मां, न त चाँदी तैन बच़ाली, ते न सोन्नू तैन बच़ालू; तै धेरतरे सारे लोकन घबरेइतां तैन केरो अन्त केरेलो।