Não Desista!

18 קרוב יהוה לכל־קראיו לכל אשר יקראהו באמת ׃

19 רצון־יראיו יעשה ואת־שועתם ישמע ויושיעם ׃

9 והוא ישפט־תבל בצדק ידין לאמים במישרים ׃

10 ויהי יהוה משגב לדך משגב לעתות בצרה ׃

22 חלקו מחמאת פיו וקרב־לבו רכו דבריו משמן והמה פתחות ׃

105 נר־לרגלי דברך ואור לנתיבתי ׃

7 ואתם חזקו ואל־ירפו ידיכם כי יש שכר לפעלתכם ׃ ס

19 כי־עם בציון ישב בירושלם בכו לא־תבכה חנון יחנך לקול זעקך כשמעתו ענך ׃

28 הלוא ידעת אם־לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו ׃

29 נתן ליעף כח ולאין אונים עצמה ירבה ׃

30 ויעפו נערים ויגעו ובחורים כשול יכשלו ׃

31 וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו ׃ פ

1 למנצח לבני־קרח על־עלמות שיר ׃

5 הזרעים בדמעה ברנה יקצרו ׃

6 הלוך ילך ובכה נשא משך־הזרע בא־יבוא ברנה נשא אלמתיו ׃

24 אהבו את־יהוה כל־חסידיו אמונים נצר יהוה ומשלם על־יתר עשה גאוה ׃

1 ועתה כה־אמר יהוה בראך יעקב ויצרך ישראל אל־תירא כי גאלתיך קראתי בשמך לי־אתה ׃

2 כי־תעבר במים אתך־אני ובנהרות לא ישטפוך כי־תלך במו־אש לא תכוה ולהבה לא תבער־בך ׃

3 כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך ׃

7 טוב יהוה למעוז ביום צרה וידע חסי בו ׃