7 तां अचानक प्रभु दा इक स्वर्गदूत पतरसे बखे आई खड़ोता कने उस कोठरी च इक चमकीली लौ होई गेई, कने उनी पतरसे दियां पसलिया पर हथ मारी करी उसयो जगाया, कने बोलया, "उठ, जल्दी उठ।" कने उदे हथां ला सुंगल खुली करी पेई गे। 8 तालू स्वर्गदूते उसयो बोलया, "लके बन, कने अपणे जुतयां पाई ले।" उनी तियां ही किता, फिरी स्वर्गदूते उसयो बोलया, "अपणे बाहरी कपड़े जो पाई करी मेरे पिच्छे चली पो।"
9 सै निकली करी उदे पिच्छे चली पिया, पर सै ऐ नी जाणदा था की जड़ा कुछ स्वर्गदूत करा दा है, ऐ सच्च था, पर सै ऐ समझा दा था की मैं दर्शण दिखा दा है। 10 तालू सै चली करी पेहले कने दुऐ पहरे ला निकली करी उस लोहे दे फाटके पर पुज्जे, जड़ा शेहरे पासे लेई जांदा था, सै फाटक उना तांई अपु ही खुली गिया, कने सै निकली करी इकी गलिया च होईकरी गे, इतणे च स्वर्गदूत उसयो छडी करी चली गिया।