यीशुऐ दे पेहले चेले
35 दुज्जे रोजे फिरी यूहन्ना कने उदे दो चेले खड़ोतयो थे। 36 कने यीशु चलया था, तां उनी उदे पासे नजर करिके बोलया, "दिखा, ऐ परमेश्वरे दा मेमना है।" 37 तालू सै दोनो चेले यूहन्ना दी गल्ल सुणीकरी यीशुऐ दे पिच्छे चली पे। 38 यीशुऐ पिच्छे मुड़ी करी उना जो पिच्छे ओंदे दिखीकरी उना ला पुछया, तुसां कुदिया तोपा च न? उना उसला बोलया, "गुरू जी, तू कुथु रेंदा है?" 39 यीशु मसीह उना ने बोलया, "चला दिखी लिया।" तालू उना आई करी उदे रेहणे दी जगा दिखी, कने उस रोजे सै सोगी रे; कने ऐ दोपहर दे लगबग चार बजयो थे।
40 उना दोना चे इक तां शमौन पतरस दा भाई अन्द्रियास था, जड़े यूहन्ना दियां गल्लां सुणीकरी उदे पिच्छे आया था।