21 मार्था यीशुऐ जो बोलया, "प्रभु जी, अगर तू ऐथू होंदा, तां मेरा भाई कदी नी मरदा। 22 कने हुण भी जाणदी है, की जड़ा कुछ तू परमेश्वरे ला मंगगा, परमेश्वरे तिजो देणा।" 23 यीशुऐ उसा जो बोलया, "तेरा भाई फिरी जिंदा होई जाणा।" 24 मार्था उसयो बोलया, मैं जाणदी है, "न्याय दे रोजे जालू हर कोई जिन्दा होई जाणा तालू उनी भी जिन्दा होई जाणा।"11:24 (प्रेरि. 24:15) 25 यीशुऐ उसा ने बोलया, "मैं सै है जड़ा मरयो लोकां जो जिन्दगी च बापस लोंदा है, जड़ा कोई मिंजो पर भरोसा करदा है सै अगर मरी भी जा तमी, उनी जी पोंणा। 26 कने जड़ा कोई मिंजो पर भरोसा करदा है सै जिन्दा है, कने उनी अनन्तकाल दीकर नी मरणा। मार्था तू क्या इसा गल्ला पर भरोसा करदी है?"
43 ऐ बोली करी उनी जोरे ने पुकारया, "हे लाजर बाहर निकली आ।" 44 जड़ा मरी गिया था, सै बाहर आया, कने उदा सारा शरीर पट्टियाँ च कने मु कपड़े च लपेटया होया था कने यीशुऐ उना जो बोलया, "इसयो खोली करी जाणा दिया।"
यीशुऐ दे खिलाफ साजिश
(मत्ती 26:1-5; मरकु 14:1-2; लूका 22:1-2)