João 11

21 मार्था यीशुऐ जो बोलया, "प्रभु जी, अगर तू ऐथू होंदा, तां मेरा भाई कदी नी मरदा। 22 कने हुण भी जाणदी है, की जड़ा कुछ तू परमेश्वरे ला मंगगा, परमेश्वरे तिजो देणा।" 23 यीशुऐ उसा जो बोलया, "तेरा भाई फिरी जिंदा होई जाणा।" 24 मार्था उसयो बोलया, मैं जाणदी है, "न्याय दे रोजे जालू हर कोई जिन्दा होई जाणा तालू उनी भी जिन्दा होई जाणा।"*11:24 (प्रेरि. 24:15) 25 यीशुऐ उसा ने बोलया, "मैं सै है जड़ा मरयो लोकां जो जिन्दगी च बापस लोंदा है, जड़ा कोई मिंजो पर भरोसा करदा है सै अगर मरी भी जा तमी, उनी जी पोंणा। 26 कने जड़ा कोई मिंजो पर भरोसा करदा है सै जिन्दा है, कने उनी अनन्तकाल दीकर नी मरणा। मार्था तू क्या इसा गल्ला पर भरोसा करदी है?" 27 उनी उसयो बोलया, "हाँ, प्रभु जी, मैं भरोसा करी लिया है, की परमेश्वरे दा पुत्र मसीह जड़ा संसारे च ओंणे बाला था, सै तू ही है।"