19 उसी तुआरे दिया संझा बेले सारे चेले इकी जगा गिठे होए, उना दरबाजे बंद करी ले क्योंकि यहूदी अगुवां ला डरयो थे, तालू यीशु आया कने बिच खड़ोई करी उना जो बोलया, "तुहांजो शांति मिल्ले।" 20 कने ऐ बोली करी उनी अपणे हथां कने पैरां दे जख्म दस्से: तालू चेले प्रभु जो दिखीकरी खुश होऐ। 21 यीशुऐ फिरी उना जो बोलया, "तुहांजो शांति मिले; जियां पिता परमेश्वरे मिंजो संसार च भेजया है, तियां ही मैं भी तुहांजो संसारे च भेजा दा है।" 22 ऐ बोली करी उनी उना पर फुंक मारी कने बोलया, "पबित्र आत्मा जो अपनाओ। 23 अगर तुसां कुसी दे पाप माफ करगे, उना दे पाप माफ होए न, कने जिना दे पाप तुसां माफ नी करगे, उना अपणे पापां च फसी रेणा है।"
थोमा दे सामणे ओंणा
(मत्ती 28:16-20; मरकु 16:14-18; लूका 24:36-49)