9 जालू सै कनारे पर पुज्जे, तां उना कोलयां दिया अग्गी पर मछियां कने उदे बखे रोटियां रखियां दिखियां।
यीशु कने पतरस
15 रोटी खाणे बाद यीशुऐ शमौन पतरसे जो पुछया, हे यूहन्ना दे पुत्र शमौन, क्या तू सच्ची इना बाकियां ला जादा मिंजो ने प्यार करदा है? उनी यीशुऐ जो बोलया, हां प्रभु; तू तां जाणदा है, की मैं तिजो पर भरोसा रखदा है, उनी उना जो बोलया, "मेरे छेलुआं दी रखबाली कर।" 16 यीशुऐ फिरी दूजी बरी उसयो पुछया, "हे यूहन्ना दे पुत्र शमौन, क्या तू मिंजो ने प्यार रखदा है?" उनी उसयो बोलया, "हाँ, प्रभु तू तां जाणदा हे की मैं तिजो ने प्यार करदा है?" उनी उसयो बोलया, "मेरियां भेडां दा पुआल बण।" 17 यीशुऐ तीजी बरी उसयो पुछया, "यूहन्ना दे पुत्र शमौन, क्या तू मिंजो ने प्यार करदा है?" पतरस उदास होई गिया, की उनी उसयो तीजी बरी ऐसा बोलया, "क्या तू मिंजो ने प्यार करदा है।" कने उनी बोलया, "प्रभु जी, तू तां सब कुछ जाणदा है की मैं तिजो ने प्यार करदा है।" यीशुऐ उसला बोलया, "मेरियां भेडां जो चुगा।"
18 "मैं तुसां ने सच्च-सच्च बोलदा है, जालू तू जवान था, तां अपणे लक्के जो बन्नी करी जिथू चांदा था, ओथु गुमदा था; पर जालू तू बुडा होइ जाणा, तां तू अपणे हथां जो फेलांगा, कने कोई तिजो बन्नी लेंगा कने तिजो ओथु लेई जाणा जिथू तू जाणा नी चांदा।"
19 यीशुऐ ऐसा ऐ दसणे तांई बोलया की पतरसे कियां मरणा कने परमेश्वरे दी महिमा करणी है; ऐ बोली करी, उसयो बोलया, "मेरा चेला बणी रे।"