7 इतणे च इक सामरी जनानी पांणी भरना आई। यीशुऐ उसा जो बोलया की "मिंजो पींणे तांई पांणी दे।" 9 इना सामरी जनानिया उसला बोलया, तू यहूदी होईकरी सामरी जनानिया ला पांणी कजो मंगा दा है? क्योंकि यहूदी सामरियां सोगी कुछ भी रिश्ता नी रखदे।
10 यीशुऐ जबाब दिता, "तू नी जाणदी है की परमेश्वर तिजो क्या देणा चांदा, कने ऐ भी नी जाणदी की कुण तिजो ला पांणी मंगा दा है। अगर तू जाणदी, तां तू मिंजो ला मंगदी, कने मैं तिजो जिन्दगिया दा पांणी दिन्दा जड़ा जिन्दगी दिन्दा है।"
16 यीशुऐ उसा जो बोलया, "जा, अपणे घरे बाले जो ऐथू सदी लेई ओ।" 17 जनानिया जबाब दिता, "मेरा घरे बाले नी है।" यीशुऐ उसा ने बोलया, "तू ठीक बोलदी है, की मेरा घरेबाला नी है। 18 क्योंकि तू पंज घरे बाले करी बेठिइयो है, कने हुण तू जिस माणुऐ बाल है सै भी तेरा घरेबाला नी है; ऐ तू सच्च बोलया है।"
26 यीशुऐ उसा ने बोलया, "मैं जड़ा तिजो ने बोला दा है, सेई है।"
29 "ओआ, इक माणुऐ जो दिखा, जिनी सब कुछ दसी दिता जड़ा मैं कितया। कुथी ऐई तां मसीह नी है?"