34 मरियमा स्वर्गदूते जो बोलया, ऐ कियां होणा? मेरा तां अजे बियाह भी नी होया है। 35 स्वर्गदूते उसा जो जबाब दिता, पबित्र आत्मा तिजो पर उतरणा है, कने परमेश्वरे दिया शक्तिया तिजो पर छां करणी है, तांई तां तेरा जन्म लेणे बाला जागत पबित्र होणा है, सै परमेश्वरे दा पुत्र बोलया जाणा। 36 कने सुण तेरी रिशतेदार एलीशिबा दे भी बुडे बारे बच्चा होणेबाला है, ऐ इसा दा छेमा महिना है जिसा जो लोक बांज बोलदे थे। 37 क्योंकि परमेश्वर सब कुछ करी सकदा है।* 38 मरियमा बोलया, "दीख, मैं प्रभु दी दासी है, जियां तू बोलया है सेई मेरे सोगी हो।" तालू स्वर्गदूत ओथु ला चली गिया।