लूका 1:59-64

59 कने जालू सै अठमे रोजे उदा खतना करणे तांई आये। तालू सै उदा ना उदे पिता दे नाऐ पर जकर्याह रखणा लगे, *1:59 (उत्प. 17:12, लैव्य. 12:3) 60 तां उदिया माता एलीशिबा बोलया, "नी; इदा ना यूहन्ना रखा।" 61 उना उसा जो बोलया, "ऐ ना तां तेरिया रिश्तेदारिया च कुसी दा भी नी है।" 62 तालू उना उदे पिता जो इशारा करी के पूछया की तू इदा ना क्या रखणा चांदा है? 63 कने उनी लिखणे बाली पट्टी मंगाई करी लिख्या, इदा ना यूहन्ना है, कने सारे हेरान होऐ। 64 तालू ही उदी अबाज बापस आई गेई; कने सै परमेश्वरे दा धन्यबाद करणा लग्गा।