10 कने लोकां उसला पुछया, "तां असां परमेश्वरे दिया सजा ला बचणे तांई क्या करन?" 11 युहन्ना उना जो जबाब दिता, "जिसदे बाल दो कुरते न, सै उसयो बंडी दिया जिना बाल नी न, कने जिसदे बाल खाणां है, सै भी इयां करन।"
12 कने कर लेणेबाले भी बपतिस्मा लेंणा आये, कने उसला पुछया, "गुरू जी, असां क्या करन?" 13 यूहन्ने उना जो बोलया, "जितणा तुहांजो अधिकारियां बोलया लेणे तांई, उसला जादा चुंगी मत लेंदे।" 14 कने सिपाईयां भी उसला पुछया, असां क्या करन? उनी उना जो बोलया, कुसी ने लड़ाई मत करदे, कने कुसी पर झूठा दोष मत लांदे, कने अपणिया तनखाई पर खुश रेंणा।