लूका 6

सुके हथे बाले माणुऐ जो ठीक करणा

6 कने इक दिन इयां होया की सै कुसी होर सब्ते दे रोजे यहूदी जंज घर च जाई करी उपदेश देणा लग्गा; कने ओथु इक माणु था, जिदा सज्जा हथ सुक्या था। 7 व्यवस्था जो सिखाणे बालयां कने फरीसी उस पर दोष लगाणे दे मोके दीया ताका पर थे, की दिखदे न की सै सब्त दे रोजे ठीक करदा है की नी। 8 पर सै उना दे बिचार जाणदा था; तांई तां उनी सुक्यो हथे बाले माणुऐ जो बोलया, "उठ, खड़ोई जा।" सै उठी होया। 9 यीशुऐ उना जो बोलया, "मैं तुसां ला ऐ पुछदा है की सब्त दे रोजे क्या ठीक है, भला करणा या बुरा करणा; जान बचणा या मारणा?" 10 तालू यीशुऐ उना लोकां पासे दिखया। कने उस माणुऐ जो बोलया, "अपणा हथ कर रुआं।" उनी किता, कने उदा हथ खरा होई गिया।