Marcos 6

37 यीशुऐ उना जो जबाब दिता, "तुसां ही इना जो खाणे जो दिया।" उना यीशुऐ जो बोलया, "की तु चांदा है की असां जान कने दो सौ दिना दी मजदुरिया बराबर दियां रोटीयां खरदी करी इना जो खुआन?" 38 यीशुऐ उना जो बोलया, "जाई करी दिखा तुहाड़े बाल कितणियां रोटियां न?" उना पता करी के बोलया, "पंज रोटियां कने दो मछियां भी हेन।" 39 तालू यीशुऐ उना जो हुकम दिता की, सबना जो सेले घाऐ पर बैठाई दिया। 40 सै सौ-सौ करिके कने पंजा-पंजा करिके झुण्डा च बेई गे।

41 कने यीशुऐ सै पंज रोटियां कने दो मछियां लियां, कने स्वर्गे पासे दिखीकरी परमेश्वर दा धन्यबाद किता, कने रोटियां तोड़ी करी दो टोटे किते कने चेलयां जो दिन्दा गिया, ताकि सै लोकां जो परोसन, कने सै दो मछियां भी उना च बंडी दितियां। 42 सारे खाई करी रजी गे। 43 कने जालू रोटी खायी बैठे तालू चेलयां बाकी बचियाँ रोटियां कने मछियां गिठेरेइयां कने उसला बाहरा टोकरियाँ भरुई गियां।