20 तालू सै जागते जो यीशुऐ बाल लेई आये कने जालू बुरिया आत्मा यीशुऐ जो दिखया, तां उना आत्मा जागते जो झट मरोड़या, कने धरतिया पर फकोड़ी दिता, कने सै मुऐ ला झाग निकालदे-निकालदे बिलटियां मारणा लग्गा।
21 यीशुऐ जागते दे पिता ला पुछया, "ऐ कालू ला होआ दा है?" कने उनी बोलया, "जालू ला ऐ लोका दिया नियाणा होंदा था। 22 मती बरी बुरिया आत्मा इसयो मारणे तांई अग्गी कने पाणिये च सुट्टी दितया था, पर अगर तू कुछ करी सके, तां सांझो पर तरस खाई करी साड़ी सहायता कर।" 23 यीशुऐ उना जो बोलया, "अगर तू करी सकदा है, ऐ क्या गल्ल होई? जड़ा मिंजो पर भरोसा करदा है, उदे तांई सब कुछ होई सकदा है।" 24 बच्चे दे पिते झट पैरां च पेईकरी जोरे ने बोलया, "प्रभु जी, मेरी सहायता करा की मैं तुसां पर भरोसा करे।"