24 यीशुऐ जबाब दिता, "इस्राएले दे घराने दियां गवाचियां भेडां जो छडी करी मिंजो होर कुसी बाल नी भेजया है।" 25 पर सै आई, कने उसयो नमस्ते करिके बोलणा लगी, "है प्रभु, मेरी मदद कर।" 26 उनी जबाब दिता, "बचयां दी रोटी लेईकरी कुतयां दे अग्गे पाणा ठीक नी है।" 27 उनी बोलया, "सच्च है प्रभु; पर कुत्ते भी सै ही टुकड़े खांदे न, जड़ा उना दे मालिकां दे मजे ला हेठ पोंदे न।"
28 इसा गल्लां पर यीशुऐ उसा जो जबाब दिता, "हे जनानी, तेरा भरोसा बडा है; जियां तू चांदी है, तेरे तांई तियां ही हो।" कने उसा दी कुड़ी उसी बेले ठीक होई गेई।