स्वर्गीय निशाणा दी माँग
1 फरीसियां कने सदूकियां यीशुऐ बाल आई करी उसयो परखणे तांई बोलया, "कि सांझो स्वर्गे दा कोई चमत्कार दस।" 2 उनी उना जो जबाब दिता, "संझा जो तुसां बोलदे न, कि मौसम खरा रेंणा है, क्योंकि अम्बर लाल है।" 3 कने ब्यागा जो बोलदे न, कि अज तूफान ओंणा क्योंकि अम्बर लाल कने धुंधला है तुसां अम्बरे दे लछण दिखीकरी फरक दसी सकदे न, पर बकते दे निशाणा दा फरक कनी दसी सकदे न? 4 "इस युगे दे बुरे कने व्यभिचारी लोक निशाण तोपदे न, पर योना दे निशाणे जो छडी करी उना जो कोई होर निशाण नी मिलणा।" कने सै उना जो छडी करी चली गिया।
फरीसियों कने सदूकियां दिया शिक्षा दा खमीर
(मरकु 8:14-21)