18 इक दिन जालू यीशु गलील झिला दे बखे-बखे चलया था, तां दो मछवारे भाईयां जो झिला च जाल पांदे दिखया, उना चे इक शमौन था जिसयो पतरस बोलदे न कने उदा भाई अन्द्रियास था। 19 यीशुऐ उना जो बोलया, "ओआ कने मेरे चेले बणा; मैं तुहांजो सिखांगा कि लोकां जो मेरे बाल कियां लोणा कने कियां मेरे चेले बणणा है।" 20 उना झट जाल छडया कने उदे पिच्छे चली पे।
21 जालू यीशु थोड़ा अग्गे चलया, उनी होर दो भाईयां जो दिखया जिना दे ना याकूब कने यूहन्ना थे, कने सै जब्दी दे पुत्र थे, सै किस्तिया पर जाले जो ठीक करा दे थे, कने यीशुऐ उना जो भी सदया। 22 सै झट किस्तिया कने अपणे पिता जो छडी करी उदे पीच्छे चली पे।
यीशु मसीह दा बिमारां जो ठीक करणा
(लूका 6:17-19)