9 ओथु ला अग्गे जाई करी यीशुऐ मत्ती नाऐ दे इक माणुऐ जो कर लेणे दिया चौकिया पर बैठयो दिखया, कने उसयो बोलया, "मेरे चेले बणा।" सै उठी करी उस दे पिच्छे चली पिया। 10 कने जालू यीशु घरे रोटियां खांणा बैठा, तां मते चुंगी लेणेबाले कने पापी आई करी उस दे चेलयां सोगी रोटी खांणा बैठे।
11 ऐ दिखीकरी फरीसियां उदे चेलयां ने बोलया, "तुहाड़ा गुरू चुंगी लेंणे बाले कने पापियां सोगी कजो खांदा है?" 12 जालू यीशुऐ ऐ सुणया तां उना जो बोलया, "जड़े लोक खरे न उना जो वैद्ये दी जरूरत नी होंदी है, पर जड़े बिमार न उना जो है। 13 इस तांई तुसां जाई करी इदा मतलब सीखी लिया, कि मैं बलिदान नी पर दया चांदा है; क्योंकि मैं धर्मियां जो नी पर पापियां जो सदणा आया है।"
बरते दा सवाल
(मरकु 2:18-22; लूका 5:33-39)