8 मैं बोलदा है, की जड़े बायदे पूर्वजां जो दितयो थे, उना वायदयां जो सच्च करणे तांई कने ऐ दसणे तांई की परमेश्वर भरोसे दे लायक है, मसीहा यहूदी लोकां दा सेवक बणया। 9 कने होर जातियां भी परमेश्वरे दी दया दिया बजा ने परमेश्वरे दी स्तुति करन, जियां पबित्र शास्त्र च लिखया है, "इस तांई मैं कने होर जातियां दे लोकां च तेरी स्तुति करांगा, कने तेरे भजन गांगा।"
10 पबित्र शास्त्र च ऐ भी लिखया है, "होर जातियां दे सारे लोक, परमेश्वरे दी प्रजा सोगी खुशी मना।"
11 कने फिरी ऐसा भी लिखया है, "हे होर जातियां दे सारे लोको, प्रभु दी स्तुति करा; कने हे राज्य-राज्य दे सारे लोको; उदी स्तुति करा।"
12 कने फिरी परमेश्वरे दा संदेश देणेबाला यशायाह भी बोलदा है, "यिशै दी इक जड़ पैदा होणी है, कने होर जातियां पर शाशन करणा, उस पर होर जातियां दे लोकां आस रखणी की उनी सांझो बचाणा।"15:12 यिशै दाऊद दे पिता थे (16:11-13)। कने मरियम जिनी यीशुऐ जो जन्म दितया था, सै दाऊद दे बंशे ला ही था। इस तांई सै यीशु ही है जिसदे बारे च ऐथू जिक्र कितया है की सै यिशै दे बंशजा ला अंकुरित होणा, कने तालू पूरा होया जालू यीशु इक माणु बणी करी इसा धरती पर आया।
13 मैं प्राथना करदा है की परमेश्वर जड़ा साड़ा दाता है, तुसां जो पूरे तरीके ला खुशी कने शांति दा आनंद लेणे तांई सहायता करी सके, ताकि पबित्र आत्मा दिया शक्तिया ने तुहाड़ी आस बददी जा।