संसारे ने दोस्ती
1 तुसां च ऐ लड़ाई कने झगड़े कुथु ला ओंदे न; ऐ उना इच्छा ला ओंदे न जड़ियां तुहाड़े अंदर लड़दियां न। 2 तुसां कुछ चांदे न, पर जालू तुसां जो सै मिलदा नी है; इस तांई तुसां हत्या करणे तांई तैयार होई जांदे न, की तुहांजो सै मिली जाऐ, पर कुछ हासिल नी हुंदा तांई तां तुसां लड़दे झगड़दे न, तुहांजो इस तांई कुछ नी मिलदा क्योंकि तुसां परमेश्वरे ला कुछ नी मंगदे न। 3 तुसां मंगदे न फिरी भी तुहांजो नी मिलदा, क्योंकि तुसां बुरिया इच्छा ला मंगदे न, ताकि अपणे बुरे कम्मा च उड़ाई दे।
4 हे व्यभिचारियों सांई वेविश्वासी लोको, क्या तुसां नी जाणदे, कि संसारे दियां चीजां ला मित्रता करणे दा मतलब परमेश्वरे ला बैर करणा है, जड़ा संसारे दा मित्र बणना चांदा है, सै अपणे आपे जो परमेश्वरे दा बैरी बणाई लेंदा है।
6 पर परमेश्वर सांझो होर भी जादा अनुग्रह दिन्दा है ताकि असां बुरियां इच्छां दे खिलाफ खड़े होई सकन, इस बजा ला पबित्र शास्त्र च ऐ भी लिखया है कि, "परमेश्वर घमंडियां दा बिरोध करदा है, पर दीन लोकां पर अनुग्रह करदा है।" 7 इस तांई परमेश्वरे दे अधीन होई जा; कने उना कम्मा जो करणे ला मना करा जड़ा कि शैतान चांदा है की तुसां करा, तालू उनी तुहाड़े सामणे ला नसी जाणा।
8 परमेश्वरे दे नेड़े ओआ, तां उनी भी तुहाड़े नेड़े ओंणा, ओ पापियो, अपणे मना जो शुद्ध करा। लगातार सोच बदलने बाले लोको, अपणे दिले जो पबित्र करा। 9 अपणे पापां दिया बजा ला दुखी होआ, शोक करा, कने रोआ : तुहाड़ी हंसी रोणे च कने खुशी उदासिया च बदली जा। 10 प्रभुऐ दे सामणे दीन बणा, तां उनी तुहांजो उच्चा उठाणा।