St. Matthew 13:10-17

10 Ki; ŭsksĭnĭmats’ax ito’toyiauaie, ki an’ĭstsiauaie, Kumauk’sĭtsĭpsattaiĭsksixau parables? 11 Nokŭt’anĭstsiuax, kitokokoau kŏk’itsksĭniisuai spots’im istsĭn’naiisĭnni itse’kipi, ki osto’auai matokotau’axau. 12 Annŏk' nan’naniuŏk, ak’okotauaie, ki akakai’naniu: annŏk kŭttainan’iiuŏk, otsinanattopi ak’otsipaie. 13 Ŭn’nikaie numut’ŭnĭstsĭtsĭpsattaiau parables, ĭssŭppĭs’au mŏksta’apsau; okh’tsĭmsau mŏkstau’okhtsĭmsau, mŏkstai’ĭsksĭnnisau. 14 Aien’ŭpanĭstom’ĕsts Esaias, otan’ipi, okh’tsimeniki kitak’okhtsim, ki kimat’akoksĭnipa; ki sŭppi’niki kitakŭts’api, ki kimat’aksĭnipa: 15 Am’o o’tappiisĭnna u’skĕttsipŏppĭsts mi’ĕsts, ki okhtok’oauĕsts matomaipumokhtsĭmiu’axau, ki oŏps’puauax naps’tsiiax; mŏksta’apsax moŏps’pix, mŏksta’okhtsĭmsĕsts mokhtok’ĭsts, mŏkstau’okhtsĭmsĕsts mu' skĕttsipŏppists, mŏkstaisauai’tsitasau, nok’staukuttutuawsau. 16 Atsĭm’siau koŏps’puauax, aiapiau; ki kokhtok’ĭsts, ai’okhtsĭmiau. 17 Kit au’mŭnĭstopuau, akaiĕm’ix prophetix ki mokŏm’otsitappix ai’puĭnŭmiau mŏk’satsĭsauĕsts annists’isk kitai’nipuauĭstsk ki matsiĭnĭm’axauĕsts; ki mŏk’okhtsisauĕsts annists’isk kitai’okhtsipuauĭstsk, ki matokhtsĭm’axauĕsts.