36 Ki Jesus aiĭs’tŭpskuyiuax matap’pix, ki itsit’sipim nap’ioyis: ki otŭsksĭnĭmats ax otsitota’akax, ki an’iau noksksĭnĭm’atsokĭnan parable makap’itaisŭppipumaupi ĭnsĭm’man. 37 Nokŭt’anĭstsiuax, Annŏk' itai’sŭpipumauŏk ŏkh’si ĭnsĭmmani Nĭn’au okku’yi am’ĭni; 38 Insĭm’man konai’tappiua; ŏkh’si ĭnsĭmmani, nĭn’naiisĭnni ĭsto’kos’ix; ki makap’iĭnsĭmmani, Sauum’itsitappiuă o’kosix; 39 Katum’a annŏk' ai’sŭppipumattomĕsts, Sauum’itsitappiuă itamiu; pokiak’sĭnni ksŏkkum aiksiuo’si; ki aipo’kiakix, atsĭm’otokatatsĭsau, 40 Manĭsts’aumoipitŭkkipiau makap’ĭnsĭmmanĭsts ki manĭstse’tsĭnĭtspiau; ak’ŭnĭststsiu aiksiuo’si annom' ksŏk’kum. 41 Nĭn’au okku’i aks’ĭstŭpskuyiuax otatsĭm’otokatatsix, ki ak’omoipotsĭmiauĕsts ikŏnau’kapiĭsts ki anniks’isk matap’pixk, sauum’itsitappiiau ak’omoipotoyiuax; 42 Ki akitsĭpst’apiksĭstsiauax omŭx’tsi; annim' ak’itstsiau a sain’sĭnni, ki satse’kĭnani. 43 Mokŏm’otsitappix akotŭmĭk’kŭnasuyeiau, manistsĭk’kŭnasuyipi nato' si, un’oauai otsĭn’naiisĭnni, akotsĭk' kŭnasuyiauaie. Annŏk' itokh’iuŏk ŭnanistokh’tsĭms.