Nvitsãtura Atsea Sãnãtoasa
1 Ma tini nveatsã a alantsãlor atsea tsi easti idyia cu nvitsãtura atsea sãnãtoasã: 2 Aushlji s-hibã dishteptsã, tinjisits, froninji, sãnãtoshi tu pisti, tu vreari sh-tu arãvdari.
3 Tutashã, nveats-lã moashili s-aibã purtari cum lã ari hari a sãmtsãlor, nu munafitsi, nu sclayii a multului yin, ma nvitsãtoari a ghiniljei. 4 Eali s-nveatsã nveastili atseali nali s-vor bãrbatslji a lor sh-hiljilji a lor, 5 s-hibã fronimi, curati, acãtsati cu lucrili a casãljei, buni cãtrã altsã, cãndãrsiti a bãrbatslor a lor, tsi zborlu a Dumnidzãlui s-nu si s-ngiurã.
6 Urnipsea-lji tutashã tinirlji tra s-hibã misurats. 7 Aspunã la itsido modelul a lucrilor buni: La nvitsãturã s-hits curats sh-tinjisits, 8 s-avets unã zburari sãnãtoasã sh-fãrã cusuri, tsi contrarlu s-arushineadzã shi s-nu poatã s-greascã tsiva arãu trã voi.