32 ତୁମିମଃନ୍‌କେ ଜଃନ୍‌କଃରି ଚିତାକଃରା ନାୟ୍‌, ଇରି ମର୍‌ ମଃନ୍‌ । ଜେ ବିବା ନୟ୍‌ଆଚେ ସେ କଃନ୍‌କଃରି ମାପୁରାର୍‌ ଗଟେକ୍‌ ଲାଡାର୍‌ ଅୟ୍‌ଦ୍‌, ଇତାର୍‌ ଗିନେ ମାପୁରାର୍‌ କଃତା ନଃୟ୍‌ ଚିତା କଃରେଦ୍‌ । 33 ମଃତର୍‌ ଜେ ବିବା ଅୟିଆଚେ, ସେ କଃନ୍‌କଃରି ନିଜାର୍ ମାୟ୍‌ଜିର୍‌ ଲାଡାର୍‌ ଅୟ୍‌ଦ୍‌, ସେତାର୍‌ ଗିନେ ସେ ଜଃଗତାର୍‌ କଃତାକ୍‌ ନଃୟ୍‌ ଚିତା କଃରେଦ୍‌ । 34 ତାର୍‌ ମଃନ୍‌ ଦୁୟ୍‌ ବାଗ୍ ଅୟ୍‌ଦ୍‌ । ବିବା ନଃଉତା ମାୟ୍‌ଜି ଆର୍‌ ଦଃଙ୍ଗ୍‌ଳି ମାପୁର୍ କାମେ ସେ ମଃନ୍‌ ଦଃୟ୍‌ଦ୍‌, ବଃଲେକ୍‌ ଗଃଗାଳେ ଆର୍‌ ଆତ୍ମାୟ୍‌ ମଃନେ ପବିତ୍ର ଅଃଉଁକେ ମାପୁରାର୍‌ କଃତା ନଃୟ୍‌ ଚିତା କଃର୍ତି; ମଃତର୍‌ ଜେ ବିବା ଅୟିଆଚେ ସେ କଃନ୍‌କଃରି ନିଜାର୍ ଅଃଣ୍ଡ୍ରାର୍‌ ଲାଡାର୍‌ ଅଃଉଁକେ ଦଃନ୍ଦା ରଃୟ୍‌ଦ୍‌, ସେତାର୍‌ ଗିନେ ଜଃଗତାର୍‌ କଃତାୟ୍‌ ଚିତା କଃରେଦ୍‌ ।