Gelati 2

P’awlos Ans’okiyon P’et’rosi b́k’eftsok’o

11 P’et’ros Soriyotse fa’a Ans’okiyo maants b́ woor dart b́ teshtsotse b́ shinatsere bín t k’efi, 12 Yak’ob b́ woshts ik ik ashuwots Ans’okiyo maants bowaafetsere shin Ik' ash woteraw ashuwotsitsere amantsuwotsnton towaat mááfetsetni b́ teshi, bo boweyiyakonomó, «Ik' ash woteraw jirwotsitsere amantsuwots gof amo boosh geyife*2:12 Gof amo boosh geyife: Etrwots ayhudiyotsi bo wotok’oni b́ kitsiri. » etiru jirwotsn shatt shuutso maants aanat Ik' ash woterawwotsatse b́ galeyi. 13 K’osh ayhudi jir wotts Krstiyaniwotswor ayhudi woterawwotsnton mish móó gond b́wottsok’o aridek’t P’et’roskok’o bok’ali, Barnabasworu dab b́ oreraniyere be’eyi darman maants getseyatniye b́ teshi. 14 Bo k’altsan doo shishi arikeewonton ik wotob́k’azo t bek’tsok’on P’et’rossh, «Nee ayhudi wotefetsat ayhudi nemok’on b́ woterawo Ik' ash woterawwots nemok’one n beefoni. Eshe, Ik' ash woterawwots ayhudoyots nemok’on bobetwok’o eegishe angnon n k’aliri?» etaat jami shinatse bín t k’efi.