Luk'as Dooshishiyo 2

Iyesus Ik’i mootse

41 ✝ 2:41 Kesh. 12:1-27; Iwi. 16:1-8 Yosefnat Mariyamn worwot worwoton fazigi baaliyi aawor Iyerusalem maantsan bo amfo bo tesh. 42 Iyesus tatse git nat wotbwtstsok’on bo nemok’on baaliman mangiyosh bo ami. 43 Baaliyono ish bobazihakon bo bomoo maants bo aanor Iyesus Iyerusalemits oorb́wts, Yosefnat Mariyamnmó manoke b́ ooro danatsno botesh. 44 Weratse sha’irwotsnton towat bí amiruwok’o boosh bí arere, ik aawjini sha’o sha’eron bo jini, maniye il bojag jamoknat bodants ash jamoke geyo dek' botuu. 45 Ernmó daatso bo maawutsotse geefere Iyerusalem maants bo aani. 46 Keez aawoniye okoon Ik' mootse daatsbodeki, manokno aaydekt dantswots dagotse bedek’t bo keewirwo k’ebfetst bosho aato b́t’intsfera b́ tesh. 47 B́ keew k’ebts jamwots b́ t’iwintsirwok’onat boosh bíanirwok’o bek’t bo adifera bo tesh. 48 Yosefnat Mariyam bín Ik' mootse bobek’tsok’on ada bo adi, manoor indu, «Tnaayo eegishe hank’o taan nk’ali? N nihnat taan kic’at neen no geefera noteshi» bi et.

49 Iyesuswere «Eegoshe taan it geyi? taa t nih mootse woto taash b́ geyitwok’o danatsteya?» bí eti. 50 Boomó bí b́ keewtsman t’iwintsratsno.

51 Maniye il Iyesus Nazret maants bonton bíami, booshowere alya bí alefoni, b́ indwere keew jaman b nibotsa b detsfo. 52 ✝2:52 1 Sam. 2:26; Ari. 3:2 Iyesus Ik’onat ash shinatse shuneek wotat, dan teleefonat need’on eenfere bí amfo.