Lucas 22

P’et’ros Iyesusi bíhaltsok’o

54 Maniye hakon ash ashuwots Iyesusi detsdek’t k’eesi naasho mook dek’t bowaa, P’et’rosuwere wokoon b́shuutso b́ shi’iri. 55 Ash ashuwots kas’otse tawo deshidek’t ikoke bedek’tni botesh. P’et’oswere waat towat be b́dek’i. 56 P’et’ros tawu ganok b́befere gon iku tawu shanatse bek’bk’ri, b́ maants t’iwintsdek' s’iilat «Hanwor Iyesusntoni b́teshi!» bi et. 57 P’et’rosmó, «Nee ashune! taa bín danatse!» jamere bí et. 58 Muk’i tesht k’osh ash iko P’et’rosi bek’t «Neewor boyitsi iko neene!» bí et.

P’et’rosmó «Ashono neena! taanaliye!» bí et.

59 Ik sa’atok’o tesht k’osh ash iko P’et’rossh «Ashaahan Gelil dats ash b́wottsotse arikon bíntoniye b́teshiye!» ett kup’idek’t b́ keewi. 60 P’et’rosmó, «Ashono neena! ni etiruman danatse!» bí et. Man keewoke b́befere manoor baako b́ k’adi. 61 Manoor doonzo Iyesus wongr ett P’et’rosi b́ s’iil, P’et’roswere «Hambets bako keezoto b́k’adfetsosh taan danatse er haalitune» ett doonzo Iyesus b́ keewutso gawubdek’i. 62 Urats kesht ayidek’t bí eep.