Matiwos Dooshishiyo 20

Zebdiwos nana’úwots ind Ik’o k’on k’ono

20 Maniyere il Zebdiwos nana’úwots ind, b nana’úwotsnton Iyesusmaants t’iinat b́ shinatse tuk’maldek’at ik keewo bish b́ k’alitwok’o bín b́ k’oni. 21 Iyesuswere, «Eege ngeyiri?» bí eti. Biwere, «N mengstotse t nana’a gitets hanots iko giro maants, iko k’ano maants bobeetwok’owo taash woshwe!» bíet.

22 Iyesusmó «It itk’onirwo danatste, taa karnon túshet gondbek’i wanc’o úshosh falituteya?» bíet. Bowere «Ee falitwone!» boeti.

23 Iyesuswere, «Arikon taa t úshet gond bek’i wanc’o úshetute, ernmó k’anonat giromaants bobetwok’o k’alitwo taanaliye, beyokman imetiye tnih boosh b́ k’anits ashuwots s’uzshe.»