Matiwos Dooshishiyo 22

K’irtswots botwi jango aatetsok’owo

23 Manots aawots, «K’irtswots k’irotse tuwo aaliye» etef Seduk’awino eteefwots Iyesusok waat hank’o ett bín bo aati, 24 ✝22:24 Iwi. 25:5 «Danifono! Muse ‹Ik asho na’o b́shurawo k’iron b́ maatswatse b́ k’aleyal k’irts eshuwo máátsu de’er k’irtsosh shááto shegrshwee,› etre. 25 Shawat eshuwots nooke fa’ane boteshi, jamwotsitse k’aabo máátso dek’t na’o b́shurawo k’irb́wtsi, mansh bíeshu muk’efo k’irtso máátsu b́dek’i. 26 Mank’o gitlonú, keezlonú shawatlok b́borfetso tar taron bin dek’t bok’iri. 27 Jamoniyere il máátsman k’ir b́wtsi. 28 Eshe, shawatwots bin bodek’tsotse k’irtswots botuwor mááts b wotit aawshe?»

29 Iyesusmó hank’o ett boosh bíaaniy, «It s’ayin mas’afwotsnat Ik’i ango it danawotsnee it sheliri. 30 K’irtswots k’irotse botwots darotse fa’a melakiwotskok’owa bowotiti bako de’atsno, de’eratsne. 31 K’irtswots tuwi jango itsh Ik’o b́ keewtso nababeratsteya? 32 Bíye hank’owe bíeti, ‹Taa Abraham Ik’o, Yisehak' Ik’o, Yak’ob Ik’o taane› Mansh Ik’oniye kashetswots Ik’a bako k’irtswots Ik’aliye.» 33 Ash ashonwere man boshishtsok’on b́ daniyatse tuutson boad.