1 Korentyen Yo 12

12 Paske menm jan ke kò a se yon sèl, men gen anpil manm, e tout manm kò yo, malgre ke yo anpil, yo se yon sèl kò ✝12:12 I Kor 12:27konsa tou Kris la ye. 13 Paske ✝12:13 Ef 2:18pa yon sèl Lespri, nou tout te batize nan yon sèl kò, kit Jwif, kit Grèk, kit esklav, kit lib, e nou tout te fèt pou ✝12:13 Jn 7:37-39bwè nan yon sèl Lespri.

14 Paske ✝12:14 I Kor 12:20kò a se pa yon sèl manm, men anpil manm. 15 Si pye a ta di: "Akoz ke mwen se pa yon men, mwen pa yon pati nan kò a," se pa sa ki ta fè l okenn mwens yon pati nan kò a. 16 Epi si zòrèy la di: "Mwen pa yon zye, mwen pa yon pati nan kò a," se pa pou rezon sa a li pa omwen yon pati nan kò a. 17 Si tout kò a te yon zye, kote zòrèy la t ap ye? Si tout kò a te sèl zòrèy, kote nen pou santi t ap ye? 18 Men koulye a Bondye byen ✝12:18 I Kor 12:28plase manm yo, yo chak nan kò a ✝12:18 Wo 12:6jis jan Li te vle a. 19 Si yo tout te yon sèl manm, kote kò a t ap ye? 20 Men koulye a ✝12:20 I Kor 12:12gen anpil manm, men yon sèl kò. 21 Konsa, zye a pa kapab di a men an: "Mwen pa bezwen ou" ni ankò, tèt la a pye yo: "Mwen pa bezwen nou." 22 Okontrè, li pi vrè ke manm kò ki sanble pi fèb yo nesesè. 23 Epi manm nan kò yo ke nou estime mwens onorab yo, sou yo nou bay plis onè, e manm ki mwens prezantab nou yo, vin pi prezantab, 24 pandan ke manm pi prezantab nou yo pa bezwen sa. Men Bondye byen ranje kò a pou bay plis onè a manm ki manke onè yo, 25 jis pou pa vin gen divizyon nan kò a, men pou manm yo kapab gen menm sousi pou youn lòt. 26 Si yon manm soufri, pou tout manm yo soufri avèk li. Si yon manm resevwa onè, pou tout manm yo rejwi avèk li.

27 Alò ansanm, nou se kò a Kris la, e nou se chak grenn ✝12:27 Wo 12:5manm de li.