1 Wo prèt la te di: "Èske bagay sa yo se vrè?"

2 Li te di: "Koute m ✝7:2 Jn 8:42frè m yo ak ✝7:2 Jen 11:31ansyen mwen yo!" Bondye laglwa a te parèt devan zansèt nou, Abraham lè li te nan Mésopotamie, avan ke li te rete Charran. 3 E Li te di li: ✝7:3 Jen 12:1"Kite peyi ou, ak fanmi ou, pou vini nan peyi ke Mwen menm va montre ou a".

4 ✝ 7:4 Jen 11:31 Konsa, li te kite peyi a Kaldeyen yo pou vin rete nan Charran. ✝7:4 Jen 12:4,5Depi la, lè papa l te vin mouri, Bondye te fè l deplase vin nan peyi sila a kote nou rete koulye a. 5 Men Li pa t ba li yon eritaj ladann, ni menm yon moso tè, men menm lè li pa t gen pitit, ✝7:5 Jen 12:7Li te pwomèt li ke Li ta ba li sa kòm yon posesyon, e a desandan aprè li yo.

6 Men ✝7:6 Jen 13:15Bondye te pale konsa: Ke desandan li yo ta etranje nan yon peyi etranje, pou yo ta nan esklavaj e maltrete pandan kat-san lane. 7 "Epi nenpòt nasyon ki ta mete yo nan esklavaj, Bondye te di: ‘Mwen Menm, Mwen va jije’, ✝7:7 Egz 3:12epi apre sa, yo va sòti la pou sèvi Mwen nan plas sila a."

8 Li ✝7:8 Jen 17:10te bay li akò sikonsizyon an, epi ✝7:8 Jen 21:2-4Abraham te vin papa a Isaac, Li te sikonsi li nan uityèm jou a. Isaac te vin papa a Jacob, e Jacob a douz patriyach yo.

9 Patriyach yo ✝7:9 Jen 37:11,28te vin jalou de Joseph e yo te vann li an Égypte. Men Bondye te avèk li 10 e Li te delivre li nan tout afliksyon li yo. Konsa li ✝7:10 Jen 39:21te bay li favè avèk sajès devan Pharaon, wa Égypte la, e te fè li vin gouvènè sou Égypte, ak tout lakay li.

11 Alò ✝7:11 Jen 41:54yon gwo grangou te parèt nan tout Égypte ak Canaan, avèk gwo mizè, e zansèt nou yo pa t kab twouve manje. 12 Men ✝7:12 Jen 42:2lè Jacob te tande ke te gen manje an Égypte, li te voye zansèt nou yo la pou premye fwa a.

13 Nan dezyèm vizit la ✝7:13 Jen 45:1-4Joseph te fè frè l yo dekouvri ki moun li te ye, e✝7:13 Jen 45:16fanmi Joseph te vin entwodwi a Pharaon. 14 Alò ✝7:14 Jen 45:9,10,17,18Joseph te voye envite Jacob, papa li avèk tout fanmi li pou vin kote l. Te gen swasann-kenz moun antou.

15 Konsa, ✝7:15 Jen 46:1-7Jacob te desann an Égypte e li menm avèk zansèt nou yo te mouri la. 16 Depi la kò yo te deplase retounen nan ✝7:16 Jen 23:16Sichem, pou te antere yo nan tonm nan ke Abraham te achte pou yon sòm lajan nan men fis a Hémor an Sichem yo.

17 Men pandan ✝7:17 Jen 15:13tan a pwomès ke Bondye te pwomèt a Abraham nan t ap pwoche ✝7:17 Egz 1:7pèp la te vin ogmante e te miltipliye an Égypte, 18 jiskaske ✝7:18 Egz 1:8Yon lòt wa te leve sou Égypte ki pa t konnen anyen de Joseph. 19 Se te li menm ki te sèvi gwo koken pou pran avantaj sou ras nou an, e maltrete zansèt nou pou yo ta kab ✝7:19 Egz 1:22fè zanfan pa nou yo pa t kab viv.

20 Se te nan tan sila a ke ✝7:20 Egz 2:2Moïse te ne. Li te byen bèl nan zye Bondye, e li te okipe pandan twa mwa lakay papa li. 21 Epi lè l te abandonen, fi ✝7:21 Egz 2:5Pharaon an te pran li e te nouri li kòm pwòp fis pa li. 22 Moïse te enstwi nan tout ✝7:22 I Wa 4:30konesans Ejipsyen an, e li te vin yon nonm byen fò nan pawòl ak nan zak.

23 Men lè l t ap pwoche laj karant ane, ✝7:23 Egz 2:1sa te antre nan tèt li pou vizite frè li yo, fis Israël yo.

24 Konsa, lè l te wè youn nan yo byen maltrete, li te defann li, e te vanje pou sila ki te oprime a, e konsa, te touye Ejipsyen an. 25 Li te sipoze ke frè li yo te konprann ke Bondye t ap bay yo delivrans atravè li menm, men yo pa t konprann.

26 ✝ 7:26 Egz 2:1 "Nan jou swivan an, li te parèt a yo menm pandan yo t ap goumen youn avèk lòt. Li te eseye rekonsilye yo nan lapè e te di: ‘Moun yo, se frè nou ye. Poukisa nou ap fè mal a youn lòt?’

27 "Men sila ki t ap fè frè l la mal la te bourade l e te di: ✝7:27 Egz 2:14‘Kilès ki te fè ou yon chèf ak jij sou nou? 28 ✝7:28 Egz 2:14Èske ou gen entansyon touye m menm jan ke ou te touye Ejipsyen an ayè a?’

29 "Akoz pawòl sila a ✝7:29 Egz 2:15,22Moïse te sove ale, e te vin yon etranje nan peyi Madian, kote li te vin papa a de fis.

30 "Apre karant ane te pase, ✝7:30 Egz 3:1Yon zanj te parèt a li menm nan dezè Mòn Sinaï nan flanm a yon touf bwa. 31 Lè Moïse te wè l, li te etone de sa l te wè a. Lè l te pwoche pou gade pi pre, vwa Senyè a te vini sou li: 32 ✝7:32 Egz 3:6‘Mwen menm se Bondye a zansèt nou yo, Bondye Abraham nan, Isaac ak Jacob la’. Moïse te tranble avèk laperèz e pa t menm vle pran chans gade.

33 ✝ 7:33 Egz 3:5 "Men SENYÈ a te di l: ‘Retire sapat nan pye ou, paske lye kote ou kanpe a se tè sen. 34 ✝7:34 Egz 3:7Mwen anverite wè soufrans pèp Mwen an an Égypte e tande plent yo, e Mwen gen tan vini desann pou delivre yo. Vini koulye a e Mwen va voye ou an Égypte.’

35 "Menm Moïse sila a ke yo te ✝7:35 Egz 2:14rejte lè yo te di: ‘Kilès ki te fè ou yon chèf e yon jij?’ Se sila a ke Bondye te voye pou li ta kapab non sèlman yon chèf, men yon liberatè avèk èd zanj ki te parèt kote li nan touf bwa a. 36 ✝7:36 Egz 12:41Mesye sila a te mennen yo sòti, e te fè ✝7:36 Egz 7:3mèvèy ak sign nan peyi Égypte, ak nan Lamè Wouj, epi pandan karant ane nan dezè a. 37 Se te Moïse sila a ki te di a fis Israël yo: ✝7:37 Det 18:15,18‘Bondye va fè leve pou nou yon pwofèt tankou mwen ki sòti nan frè nou yo.’

38 "Sa se li menm ki te nan ✝7:38 Egz 19:17asanble nan dezè a; ki te avèk zanj ki t ap pale avè l sou Mòn Sinaï a, e avèk zansèt nou yo, ki te te resevwa ✝7:38 Det 32:47pawòl vivan yo pou pase bannou.

39 "Zansèt nou yo pa t dakò obeyisan a li menm, men yo te ✝7:39 Nonb 14:3rejte l, e nan kè yo, yo te vire tounen an Égypte. 40 ✝7:40 Egz 32:1,23Konsa yo di a Aaron: ‘Fè pou nou dye yo ki va ale devan nou. Paske Moïse sila a ki te mennen nou sòti an Égypte la, nou pa menm konnen kisa ki rive li.’ 41 Nan tan sa a yo te fè yon jenn bèf. Yo te pote yon sakrifis pou zidòl la, e yo t ap rejwi yo nan ✝7:41 Rev 19:20zèv a pwòp men yo.

42 "Men Bondye te vire do Li, e te livre yo pou adore dye a zetwal syèl yo, jan sa ekri nan liv pwofèt yo:

✝ 7:42 Am 5:25 ‘Se pa t a Mwen menm ke nou te ofri

ofrann ak sakrifis

karant ane nan dezè a, O lakay Israël.

43 ✝ 7:43 Am 5:26,27 Men nou te pran anplis, tabènak Moloch la,

ak zetwal a dye Remphan an;

imaj ke nou te fè pou adore yo.

Pou sa a Mwen osi va retire nou jis rive lòtbò Babylone.’

44 "Zansèt nou yo te gen ✝7:44 Egz 25:8-9tabènak temwayaj nan dezè a, menm jan ke Sila ki te pale avèk Moïse la te kòmande li pou ✝7:44 Egz 25:40fè, selon modèl ke li te wè a.

45 "Konsa, zansèt nou yo ki te resevwa li nan lè pa yo, te ✝7:45 Det 32:49pote li avèk Josué lè l te depouye nasyon ke Bondye te chase devan yo jis rive nan tan David la. 46 ✝7:46 II Sam 7:8David te twouve favè nan zye Bondye, e te mande pou li ta kapab jwenn yon mezon pou Bondye Jacob la abite. 47 Men se te ✝7:47 I Wa 6:1-38Salomon ki te bati yon kay pou Li.

48 "Poutan ✝7:48 Luc 1:32Trè Wo a pa rete nan kay ki fèt pa men moun, jan pwofèt la di a:

49 ✝ 7:49 És 66:2 ‘Syèl la se twòn Mwen,

E tè a se ban pou pye Mwen.

Ki kalite kay ou kapab fè pou Mwen?’

‘Oubyen ki plas ki gen pou repo Mwen?

50 Se pa t men Mwen ki te fè tout bagay sa yo?’

51 "Nou menm, ki se moun ✝7:51 Egz 32:9kou rèd e ensikonsi nan kè, avèk zòrèy ki toujou ap reziste a Lespri Sen an, n ap fè menm bagay ke zansèt nou yo te konn fè yo. 52 ✝7:52 II Kwo 36:1Kilès nan pwofèt yo ke zansèt nou yo pa t pèsekite? Yo te touye sila yo ki avan lè te anonse ke ✝7:52 Trav 3:14Sila Ki Jis la t ap vini; ke nou menm koulye a trayi e asasine. 53 Nou menm ki te resevwa Lalwa kòm yon ✝7:53 Det 33:2òdonans pa zanj yo, te vyole li."

54 Alò, lè yo te tande sa, yo te ✝7:54 Trav 5:33blese byen fon, e t ap manje dan yo sou li.

55 Men ✝7:55 Trav 2:4ranpli avèk Lespri Sen an, li te fikse zye l anwo nan syèl la e te wè glwa Bondye ak Jésus ki t ap kanpe bò men dwat Bondye. 56 Li te di: "Gade byen, Mwen wè ✝7:56 Jn 1:51syèl la vin louvri, e Fis a lòm nan ki kanpe bò men dwat Bondye."

57 Konsa yo te kriye fò avèk yon gwo vwa, e te kouvri zòrèy yo. Yo te kouri sou li ansanm a lafwa, 58 e lè yo te fin pouse li ✝7:58 Lev 24:14-16deyò vil la, yo te kòmanse lapide l avèk wòch. Temwen sila yo te ✝7:58 Trav 22:20depoze vètman yo nan pye a yon jennonm yo te rele Saul.

59 Yo te kontinye lapide Étienne pandan li te ✝7:59 Trav 9:21rele Senyè a, e te di: "Senyè Jésus, resevwa Lespri mwen". 60 Konsa, ✝7:60 Luc 22:41li te tonbe sou jenou li, e te kriye avèk yon gwo vwa: "Senyè, pa kenbe peche sa a kont yo!" Lè l fin di sa, li te mouri.