1 ✝ 5:1 Jn 8:32,36 Se te pou libète ke Kris te fè nou lib. Konsa, kenbe fèm pou nou pa vin soumèt nou ankò a yon jouk esklavaj.

2 Gade, mwen menm, Paul, di nou ke si nou resevwa ✝5:2 Trav 15:1sikonsizyon, Kris p ap fè nou okenn benefis. 3 Epi mwen temwaye ankò a tout moun ki resevwa sikonsizyon, ke li anba obligasyon pou ✝5:3 Wo 2:25kenbe tout Lalwa a. 4 Nou gen tan vin sevre de Kris, nou menm k ap chache vin jistifye pa Lalwa. Nou ✝5:4 Eb 12:15tonbe kite lagras. 5 Paske nou menm, atravè Lespri a, pa lafwa, n ap ✝5:5 Wo 8:23tann esperans ladwati a. 6 Paske nan Kris Jésus ✝5:6 I Kor 7:19ni sikonsizyon, ni ensikonsizyon pa vle di anyen, men lafwa k ap aji atravè lanmou a.

7 Nou t ap ✝5:7 Gal 2:2kouri byen! Kilès ki te vin jennen nou pou nou pa obeyi verite a? 8 Enfliyans sa a pa t sòti nan ✝5:8 Wo 8:28Sila ki te fè apèl de nou an. 9 ✝5:9 I Kor 5:6Yon ti kras ledven fè tout boul pen an vin leve. 10 Mwen gen konfyans nan nou nan Senyè a, ke nou p ap adopte okenn lòt opinyon. Men sila k ap ✝5:10 Gal 1:7twouble nou an va pote pwòp jijman pa li, nenpòt moun li ye a.

11 Men mwen, frè m yo, si mwen toujou preche sikonsizyon, poukisa mwen toujou ✝5:11 Gal 6:12pèsekite? Alò, konsa blòk k ap fè moun bite a, ki se lakwa a, vin aboli. 12 Mwen swete ke sila k ap twouble nou yo ta ✝5:12 Det 23:1menm chatre pwòp kò yo.

13 Paske nou te rele pou libète, frè m yo. ✝5:13 I Kor 8:9Sèlman pa fè libète nou an vin tounen yon opòtinite pou lachè, men selon lanmou, pou nou sèvi youn lòt. 14 Paske tout Lalwa a akonpli nan yon pawòl, nan fraz la; ✝5:14 Lev 19:18"Ou va renmen pwochen ou tankou pwòp tèt ou." 15 Men si nou ✝5:15 Gal 5:20mòde e devore youn lòt, fè atansyon pou nou pa fin manje youn lòt nèt.

16 Men mwen di nou ✝5:16 Wo 8:4mache pa Lespri a, e nou p ap akonpli dezi lachè yo. 17 Paske ✝5:17 Wo 8:5lachè mete dezi li yo kont Lespri a, e Lespri a kont lachè. Sila yo opoze a youn lòt, ✝5:17 Wo 7:15pou nou pa ta fè tout sa ke nou pito. 18 Men si nou ✝5:18 Wo 8:14mennen pa Lespri a, nou pa anba Lalwa. 19 Alò, zèv lachè yo klè: ✝5:19 I Kor 6:9,18Imoralite, salte, sansyalite 20 idolatri, fè maji, fè lènmi ✝5:20 II Kor 12:20konfli, jalouzi, fè kòlè, dispite youn kont lòt, divizyon 21 lanvi, bwè tafya, banbochè, e tout bagay konsa yo, ke m avèti nou, menm jan ke m te avèti nou an, ke sila ki pratike bagay sa yo p ap ✝5:21 I Kor 6:9eritye wayòm Syèl la.

22 Men ✝5:22 Mat 7:16fwi Lespri a se lanmou, lajwa, lapè, pasyans, ladousè, bonte, fidelite 23 jantiyès, tanperans; kont bagay sa yo, pa gen lwa. 24 Alò, sila ki pou Kris Jésus yo gen tan ✝5:24 Wo 6:6krisifye lachè avèk tout pasyon ak dezi li yo.

25 Si nou viv pa Lespri a, annou osi mache ✝5:25 Gal 5:16pa Lespri a. 26 Pa kite nou ✝5:26 Fil 2:3vin gen ògèy, ni pwovoke youn lòt ni gen lanvi kont youn lòt.