Luc 23

33 ✝23:33 Mat 27:33-44Lè yo te rive nan plas yo rele Plas Tèt Mò a, yo te krisifye Li avèk kriminèl yo, youn sou bò dwat, e youn sou bò goch.

34 Men Jésus t ap di: "Papa, padone yo; paske yo pa konnen kisa y ap fè." Epi yo te ✝23:34 Sòm 22:18tire osò pou divize vètman Li pami yo menm. 35 Pèp la te kanpe akote, e t ap gade. Menm ofisye yo t ap moke L, e t ap di: "Li te sove lòt yo, ✝23:35 Mat 27:43kite Li sove pwòp tèt Li si se Kris a Bondye a, Sila Ke Li Chwazi a."

36 Sòlda yo osi ki t ap moke Li, te vin kote L, pou ✝23:36 Mat 27:48ofri Li diven si. 37 Yo t ap di: ✝23:37 Mat 27:43"Si Ou se Wa a Jwif yo, sove tèt Ou!"

38 Alò te gen yon enskripsyon anwo Li: ✝23:38 Mat 27:37"Sa Se Wa a Jwif Yo".

39 ✝ 23:39 Mat 27:44 Youn nan kriminèl ki te pann yo t ap voye pawòl abizif vè Li; li t ap di: "Èske se pa Kris la Ou ye? Sove tèt Ou, avèk nou!"

40 Men lòt la te reponn ak repwòch e te di: "Èske ou pa menm pè Bondye, paske ou anba menm lòd kondanasyon an? 41 Epi nou menm avèk jistis, paske nou ap resevwa sa ke nou merite pou zèv nou yo; men mesye sila a pa fè okenn mal." 42 Konsa li te di: "Jésus, sonje mwen lè Ou antre nan wayòm Ou an!"

43 Li te reponn li: "Anverite Mwen di ou, jodi a, ou va avè M nan ✝23:43 II Kwo 12:4 Paradi."