1 ✝ 3:1 Mat 12:9-14 Li te antre ankò nan sinagòg la, epi yon nonm te la avèk yon men sèch. 2 Yo t ap veye L pou wè si Li t ap geri li nan Saba a ✝3:2 Mat 12:10pou yo ta kapab akize Li.

3 Li te di nonm avèk men sèch la: "Leve vin devan!"

4 Li te di yo: "Èske li pèmi nan Saba a pou fè byen, oubyen pou fè mal, pou sove yon vi, oubyen pou touye"? Men yo te rete an silans.

5 Lè L fin ✝3:5 Luc 6:10gade toupatou, byen fache, byen blese akoz kè di yo, Li te di a nonm nan: "Lonje men ou". Li te lonje l, e men li te geri.

6 Imedyatman, Farizyen yo te ale deyò pou fè konplo kont Li avèk ✝3:6 Mat 22:16Ewodyen yo pou wè kijan yo ta kapab detwi Li.

7 ✝ 3:7 Mat 12:15,16 Jésus te retire kò l bò kote lanmè a ansanm avèk disip Li yo. Yon gran foul ki sòti Galilée t ap swiv li, ansanm avèk moun peyi Judée yo, 8 avèk Jérusalem, Idumée ak lòtbò Jourdain an ak landwa Tyr avèk Sidon. Yon gwo foul moun ki te tande tout sa Li t ap fè, te vin kote Li. 9 ✝3:9 Mc 4:1 Li te di disip Li yo ke yon kannòt ta dwe prepare pou Li, akoz gran foul la, pou yo pa peze L twòp. 10 Paske Li te ✝3:10 Mat 4:23geri anpil moun, e kon rezilta, tout sa ki te aflije yo t ap peze L pou yo ta kapab ✝3:10 Mat 9:21touche L.

11 E nenpòt lè ke move lespri yo te wè L, yo t ap tonbe devan Li, kriye fò e di: "Ou se ✝3:11 Mat 4:3Fis Bondye a!"

12 Konsa, Li te reponn yo ✝3:12 Mat 8:4avèk severite pou yo pa di ki moun li te ye.

13 Li te ✝3:13 Mat 5:1monte sou mòn nan, pou L te rele sila ke Li menm te vle yo, e yo te vin kote Li. 14 Li te dezinye douz yo, pou yo ta kapab avè L, e pou Li ta kapab voye yo deyò pou preche, 15 e pou yo ta kab gen otorite pou chase move lespri yo: 16 ✝3:16 Trav 1:13Simon, ki rele Pierre, 17 Jacques, fis Zébédée a, avèk Jean, frè a Jacques, (a li menm Li te bay non Boanergès ki vle di Fis a tonnè yo); 18 André, ak Philippe, ak Barthélemy, ak Matthieu, ak Thomas, ak Jacques, fis Alphée a, ak Thaddée, e Simon, Zelòt la; 19 ansanm avèk Judas Iscariot, sila ki te trayi Jésus a.

20 Apre, Li te ✝3:20 Mc 2:1retounen lakay Li, e foul la te rasanble ankò jiskaske yo pa t kab menm manje yon repa.

21 Lè ✝3:21 Jn 10:20pwòp fanmi pa Li te tande sa, yo te ale deyò pou pran chaj Li, paske yo t ap di: "Li gen tan pèdi bon tèt Li".

22 Konsa, skrib ki te sòti Jérusalem yo t ap di: "Se ✝3:22 Mat 10:25Béelzébul menm ki pran L. Li ✝3:22 Mat 9:34chase move lespri yo pa mèt move lespri yo".

23 ✝ 3:23 Mat 12:25-29 Li te rele yo a Li menm, e te kòmanse pale ak yo an parabòl: "Kijan Satan kapab chase Satan mete l deyò? 24 Si yon wayòm divize kont tèt li, wayòm sa a p ap kapab kanpe. 25 Si yon kay divize kont tèt li, kay sa a p ap kab kanpe. 26 Si ✝3:26 Mat 4:10Satan fin leve kont tèt li, epi li divize, li p ap kab kanpe, men li fini!

27 ✝ 3:27 És 49:24,25 "Men pèsòn p ap kapab antre lakay a yon nonm fò, e piyaje byen li, sof ke premyèman li mare mesye fò a; e apre sa, l ap piyaje kay li.

28 ✝ 3:28 Mat 12:31-32 "Anverite, Mwen di nou tout peche fis a lòm yo ap padone, e menm nenpòt blasfèm yo fè; 29 men ✝3:29 Luc 12:10nenpòt moun ki blasfeme kont Lespri Sen an p ap janm gen padon, men yo va rete koupab de yon peche etènèl."

30 Paske yo t ap di ke "Li gen yon move lespri".

31 ✝ 3:31 Mat 12:46-50 Alò, manman Li, avèk frè Li yo te rive kanpe deyò a, yo te voye kote Li e te rele Li.

32 Yon foul te chita toupatou antoure L, e yo te di Li: "Gade, manman Ou avèk frè Ou yo ap chèche Ou deyò a".

33 Li te reponn yo e te di: "Kilès ki manman M ak frè M?"

34 Li te gade toupatou sou sila ki te chita antoure Li yo e Li te di: ✝3:34 Mat 12:49 "Gade, men manman M avèk frè M yo! 35 Paske sila ki ✝3:35 Ef 6:6fè volonte a Papa M yo, se yo menm ki frè M, sè M, ak manman M".