2 पतरस 3

8 ए मारा लाटेक्‌ला, जी वात तुंद्‌रे सी सातायली नी रवे, की मालीकेन चां एक दाहड़ु हजार साल बराबर छे, ने हजार साल एक दाहड़ा बराबर छे। 9 मालीक आपणा वायदान बारामां वार नी करे, जसी वार थुड़ाक माणसे समजे; बाकुन तुंद्‌रे बारामां दम धरी रयु, ने नी चाहे की कुय खत्‌तम हवे; बाकुन गुयो की आखा काजे मन फीरावणेन मुखु जड़े।✝3:9 ईब्‌रानीयो 2:3,4

10 बाकुन मालीकेन दाहड़ु चुट्‌टान तसु आय जासे, हीनु दाहड़े सरग हुहेड़तो गाजतो अंछाप हय जासे, ने सरगेन चीज तातु हयन पीगळी जासे, ने धरती ने हेरे पर आखो काम धपी जासे। 11 जसों की जो आखी चीजे, हीनी रीत सी खत्‌तम हवणे वाळी छे, ती तुहुंं चुखली चाल चलन ने भक्‌ती मां कसा माणसे हवणु चाहजे, 12 ने भगवान हीना दाहड़ान वाट काहाली रीत सी देखणु चाहजे ने हेरो छाटु आवणे वाटे कसा कुसीस करनु चाहजे, जेरे वजे सी सरग आकठा सी पीगळी जासे, ने सरगेन चीज बेसको तातो हयन गळी जासे। 13 बाकुन हेरी वायदान अनसारे हामु एक नवलु सरग ने नवली धरतीन आस देखजे जां आखा धरमी रवसे।