पोलुस ने बरनाबासेन वीच्यार मेळ नी खाय
36 ईतराक दाहड़ा हय गुया ने अळतेन पोलुस बरनाबास काजे कह्यु "चाल, तीना-तीना सहर मां आपणु खुस-खबर सामळावला, तीना-तीना सहर मां जाय्न मालीक पर भुरसु करन्या भायस काजे देखता की चे काय करने बाजी रया।" 37 तत्यार बरनाबासेन हेर जी हतली, की आपणु युहन्ना काजे बी पुठ्ये ली जाता। जु मरकुस बी कवायतेलु। 38 बाकुन पोलुस तीनाक पुठ्ये ली जाणु ताले नी समज्यु, काहाकी चु पेहले पंफुलीया मां संगात छुड़ देदलु ने मालीक भगवानेन काम मां सात नी देदु। 39 ने तींद्रे मां माथा-पच्ची हय गुय: ने बरनाबास, मरकुस काजे लीन मटला ढंड्याम बठीन कुपरुस सहर जाती रयु। 40 बाकुन पोलुस, सीलास काजे नेवाड़्यु, ने भायस तीना वाटे भगवान धड़े गीण-दया मांगीन तीनाक मालीकेन हातेम सुप देदा। 41 ने चु फीरतु-फीरतु कीलक्या जीलाम ने सीरीया देसेन ईसुन मंडळी मां जाय्न तीनुक ईसुन भुरसा मां काठा करतु गुयु ने अघु-अघु जाती रयु।