18 सीमोन ज देख्यु की ईसुन नेवताळान काम माणसे पर हात मेके अतरात ने तीनुक चुखली-आत्मा जड़ जाय। तेरेसी चु तींद्रेन्चां रुप्या लावीन कह्यु। 19 "मे तेरे पर बी हात मेको तीनाक चुखली-आत्मा जड़ जाणु चाहजे, असु हक मेसेक बी आपु।"
20 बाकुन पतरस तीनाक जपाप आप्यु, "तारे पुठ्ये तारा रुप्या बी सर जाणु चाहे, काहाकी तु भगवानेन वाटा काजे रुप्या आपीन हात करनेन हेर कर्यु। 21 ईनी वातेम तारु हीस्सु बी नी हय, ने हक बी नी हय। काहाकी भगवान अगळ तारो मन सुदो नी हय। 22 हेरे सी तु तारा ईना भुंडा मन सी फीरीन भगवान सुदु वळ ने मालीक ईसु सी वीन्ती कर। कांखुर मायन भगवान तारा मनेन वीच्यारेन माफी आप देय ते आप देय। 23 काहाकी मेसेक चुखोझण देखाव पड़ रयो की तु आखी भातीन पाप मां फांदायलु छे।"
24 जी वात सामळीन सीमोन जपाप देदु, "तु जी बी वात कवलु छे, तसों मार धड़े नी हवणु चाहे, करीन तुहुंं मालीक भगवान धड़े मारे वाटे वीन्ती करु!"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)