ईसु मसी मां सरगेन संयबरकत
3 आपणा मालीक ईसु मसीन भगवानेन ने बासेन बड़ाय हवे, काहाकी हयु हामुक मसी मां सरग वाळा जागा मां आखी भातीन संयबरकत देदु। 4 ची संयबरकत काय छे? ची जी छे हयु हामुक कळी घड़ायणे सी पेहलुत ईसु मसी मां नेवाड़ लेदु,
काहाकी हामु तेरे धड़े परम मां चुखला ने नी-गुना वाळा रवजे। 5 ने भगवान आपणु काजे ईसु मसी सी तेरा खुळे लेदला पुर्या-पारी बणावणे करीन पेहेल सीत नक्खी करलु। ने जीत भगवानेन मरजी हतली, ने तीनी वातेम चु बेसकु खुस हतलु। 6 ने तेरेत अनसारे चु आपसा लाटेक्ला पुर्या ईसुन साहरे आपणे पर गीण-दया देखाड़लु छे, काहाकी आपणु भगवानेन ईनी गीण-दया सी जलम तेरी सेक-सींगारेन बड़ाय करता रवजे।