1 मे पोलुस भगवानेन मरजीन अनसारे ईसु मसीन नेवताळु छे। मे जी चिट्ठी ईसु मसी पर भुरसु करन्या,
भगवानेन चुखला माणसे काजे लिखो, जे ईफीसुस सहर मां रहे।
2 तुहुंं काजे आपणा भगवान बास सी ने मालीक ईसु मसी सी गीण-दया ने सुक-सांती जड़ती रहे।
ईसु मसी मां सरगेन संयबरकत
3 आपणा मालीक ईसु मसीन भगवानेन ने बासेन बड़ाय हवे, काहाकी हयु हामुक मसी मां सरग वाळा जागा मां आखी भातीन संयबरकत देदु। 4 ची संयबरकत काय छे? ची जी छे हयु हामुक कळी घड़ायणे सी पेहलुत ईसु मसी मां नेवाड़ लेदु,
काहाकी हामु तेरे धड़े परम मां चुखला ने नी-गुना वाळा रवजे। 5 ने भगवान आपणु काजे ईसु मसी सी तेरा खुळे लेदला पुर्या-पारी बणावणे करीन पेहेल सीत नक्खी करलु। ने जीत भगवानेन मरजी हतली, ने तीनी वातेम चु बेसकु खुस हतलु। 6 ने तेरेत अनसारे चु आपसा लाटेक्ला पुर्या ईसुन साहरे आपणे पर गीण-दया देखाड़लु छे, काहाकी आपणु भगवानेन ईनी गीण-दया सी जलम तेरी सेक-सींगारेन बड़ाय करता रवजे। 7 हामुक तेरा लुही सी छुटकारु मतलब पापेन माफी, तेरा गीण-दयान धन सी जड़्यो। 8 तीनुक चु बेसकी आखी वातेन ने समजेन अक्कल आप्यु। 9 हव भगवान आपसी मरजीन सातायली युजना, आपसी अकलेन ने समजेन अनसारे हामु काजे बताड़्यु, ने चु पेहेल सीत ईनी युजनान वात काजे आपसा मन मां नक्खी कर लेदलु। 10 भगवानेन जी युजना हतली की नक्खी करली टेम आवसे ती आखा घड़न्याक भेळा करीन ईसु मसीन हक मां कर दीस भले ची सरगेम हय, तीनी धरती पर हय तीनी नवली कळजुग बणावीस।
11 भगवान ते आखो काय आपसी मरजीन अनसारेत करतेलु। चु आपसी मरजीन अनसारे पेहेल सीत आपणु काजे आपसा वाटे मारु वाटु करीन ईसु मां नेवाड़ लेदु। 12 काहाकी हामु जे तुंद्रे सी पेहेल ईसु मसी भीणी आस कर रवला, हामु भगवान बासेन सेक-सींगारेन गुण गावायणेन उत्तर बण जाय।
13 तुहुंं बी ईसुन बारामां छाचली बुले सामळ्या, जी तुंद्रा छुटकारान खुस-खबर छे, ने ईनी खुस-खबरेन वात पर तुहुंं भुरसु बी कर्या। तत्यार भगवान आपसा वायदान अनसारे तुंद्रा जीवेम बी आपसा चुखली-आत्मा काजे बठाड़ीन तुंद्रे पर आपसा जीव-आत्मान छाप लागाड़लु छे। 14 भगवान आपणे वाटे पेहेल सीत जु चुखलु जीव-आत्मा आप देदु, जु साय्न तसु छे। ने जी वात पाक्की छे की भगवान आपणुक जे तीनाक मान्या छे, पुरु की पुरु छुटकारु देसे ने तत्यार भगवान जु हक आपणुक आपणेन वायदु करलु छे, चु हक आपणुक जड़से ने जड़से। असु करीन आखा आपणुक भगवान बासेन सेक-सींगार ने गुणे गावणेन उत्तर बण जासुन।
पोलुस ईफीसीन मंडळी वाटे दुवा करे
15 ने जत्यार मे मालीक ईसु पर तुंद्रा भुरसान बारामां, ने ईसु पर भुरसु करन्या भगवानेन आखा चुखला माणसे पर तुंद्रा परमेन बारामां सामळ्यु ती मे बेसकु खुस हयु। 16 ने ती सी मे बी जत्यार भगवान सी दुवा करने करीन बठ्या करो, तत्यार मे तुहुंंक हेर करतु जाय्न, तुहुंंक भगवान अगळ बेसका वारु कवतु आय र्यु। 17 ने आपणा मालीक ईसु मसीन भगवान सी दुवा कर्या करो की चु भगवान तुहुंं काजे, ईसुक वारु जाणने करीन अक्कल ने समजेन आत्मा आपे करीन, जु भगवान बास बेसकु मटु सेकवाळु छे।1:17 यसाया 11:2 18 मे जी बी दुवा करो की तीनी आस वाटे भगवान तुहुंंक बुलावलु छे, तीनी आस काजे तुहुंं मन मां वारु जाण लेवु। ने ज बी पाक्का जाण लेणु चाहजे, की भगवानेन नेवाड़्ला माणसेक, चुखला माणसेम सी जड़न्या हकेन सेक धन बेसकु छे। 19 मे जी बी दुवा करो की, तुहुंं ज बी जाण लेवु की, जे ईसु पर भुरसु करे तींद्रे मां काम करने वाळान भगवानेन ताकत, रुकाये नी असी बेसकी मटी छे। 20 ने ईनी ताकत सी भगवान ईसु मसी काजे मर्या-सर्याम सी जीवतु करीन बठु कर देदु ने तीना काजे सरगेन राजगादी पर आपसे जेवड़्ये आंग्ये बठाड़ लेदु।1:20 भजन सहीता 110:11:20 ईब्रानीयो 10:22 21 ने तीना ईसु काजे आखी भातीन राज-करन्या, पर ने हक-जमाड़न्या पर मुख्या ने ताकत पर, ने आखा मनार्या पर ने तीनु आखा पर तीनुक माणसे नेवतीन पुजे ने जे आखा रया खया पर हक आप देदु। ने ईनी कळी मां बी, ने आवणेवाळी नवली कळी मां बी ईसु बराबर कुय नी रहे। 22 ने भगवान आखी कळ काजे ईसुन पांय तळे मेल देदु, एक कह्याम भगवान ईसु पर भुरसु करन्या मंडळीन फायदा वाटे ईसु काजे आखान मुखी बणायु। ने ईसुन हक ते मंडळीन बी हक छे। ईसु आपसी मंडळीन, मुणकान तसु मुखी छे।1:22 कुलुस्यो 2:101:22 भजन सहीता 8:6 23 ने जी मंडळी ईसुन डील छे, ईना ईसु मां भगवानेन आखा गुणे वसला छे, ने भगवानेन आखा मां आखा गुणे भरे।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)