आत्मान लड़ायन हत्यार
10 हेरेसी मालीक ईसु मां तेरी ताकत सी तुहुंं बी ताकतवाळा बणु। 11 ठगण्या भुतड़ान कदर सी बचणे ने तेरे साते गड़दीने करीन भगवानेन आखा हत्यार काजे हात कर लेवु, जे सीपायड़ान आखा हत्यारेन तसा छे। 12 काहाकी आपणी लड़ाय डील ने लुही साते नी हय, बाकुन तीनु राज करन्या ने हक जमाड़न्या साते छे, जे भुतड़ान जमेन मेळा छे, जे वाहळाम रवीन ईनी आंदारली कळीन माणसेक पाप कराड़्ने करीन पटाड़ीन राज करे। 13 ने काठला दाहड़ा मां बी काठा रवीन, आखी वातेम जीत हात करीन टेकला रहणे करीन भगवानेन आखा हत्यार पुठ्ये ली लेवु।
14 काहाकी छाचली सी आपणी कमर बांदीन, ने धरमेन कामेन टुपु पेहरीन,6:14 यसाया 11:5; 59:17 15 ने पाय मां हेळ-मेळ कराड़नेन खुस-खबरेन तीयारीन खासड़ा पेहेरीन,6:15 यसाया 52:76:15 नहुम 1:15 16 ने ईनु आखा साते भुरसान ढाळ लीन काठ रहु, काहाकी तुहुंं तीना वेरीन आखा धपतेला बीलखा काजे उल्वी देवु। 17 ने छुटकारान टुपु, ने आत्मान तलवार, ज भगवानेन बुल छे, ली लेवु।6:17 यसाया 49:2; 59:176:17 ईब्रानीयो 4:12 18 ने चुखली-आत्मान अगवाय सी हर घड़ी ने आखी भात्ये भगवान सी लीलघाय्ता ने दुवा करता रहु, ने भगवानेन आखा चुखला माणसे वाटे बी जागला रवीन एक मन्या हय्न लीलघाय्ता ने दुवा करता रहु।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)