14 काहाकी छाचली सी आपणी कमर बांदीन, ने धरमेन कामेन टुपु पेहरीन,6:14 यसाया 11:5; 59:17 15 ने पाय मां हेळ-मेळ कराड़नेन खुस-खबरेन तीयारीन खासड़ा पेहेरीन,6:15 यसाया 52:76:15 नहुम 1:15 16 ने ईनु आखा साते भुरसान ढाळ लीन काठ रहु, काहाकी तुहुंं तीना वेरीन आखा धपतेला बीलखा काजे उल्वी देवु। 17 ने छुटकारान टुपु, ने आत्मान तलवार, ज भगवानेन बुल छे, ली लेवु।6:17 यसाया 49:2; 59:176:17 ईब्रानीयो 4:12 18 ने चुखली-आत्मान अगवाय सी हर घड़ी ने आखी भात्ये भगवान सी लीलघाय्ता ने दुवा करता रहु, ने भगवानेन आखा चुखला माणसे वाटे बी जागला रवीन एक मन्या हय्न लीलघाय्ता ने दुवा करता रहु।
Publicidade