5 जसु ईसु मसीन वीच्यार ने वेहवार हतलु, तसुत वीच्यार ने वेहवार तुंद्रु बी रहणु चाहजे।
6 चु ईसु, भगवान हय्न बी,
भगवान बराबर हवणेन हक काजे छुड़ देदु।
7 ने आपसा काजे अतरु नानु
ने हेटु कर देदु,
की माणसेन अवतार लीन माणसेन तसु बण गुयु,
ने तींद्रे अगळ पावर्यान तसु बण गुयु।
8 ने चु खुद काजे अतरु नानु ने हेटु समजीन अतरु जबर नीचळु बण गुयु, की भगवान बासेन हुकुम मानीन मोत,
ने चु बी कुरुसेन काठली मोत काजे बी सेण कर लेदु।
9 तेरेसी भगवान बी तीनाक अतरु मटु बणाय देदु,
ने तीनाक च नाव आप्यु ज आखा नाव सी बेसको वारु ने उपर छे।
10 काहाकी जे सरगे मां ने धरती पर ने धरतीन नेचा छे;
चे आखा ईसुन नाव सामळीन,
तेरे अगळ मांडा टेके।
11 ने भगवान बासेन सेक-सींगार वाटे आखा माणसे असा कय्न मान लेय की,
"ईसु मसीत आखान मालीक छे।"