सारा ने हाजीरान दाखलु
21 तुंद्रे मायन थुड़ाक मुसान नीयमेन कब्जा मां ते रहणेन हर ते कर रया तीनु काजे मे एक वात पुछो, तुहुंं मुसा सी लिखली नीयम मां जी वात नी सामळ्या काय? 22 अब्राहमेन दुय पुर्या हतला, एक पुर्यु ते आपसी लाडी सारा सी पयदा हयु, ने दीसरु पुर्यु ते गुलाम पावरनी हाजीरा सी पयदा हयु।4:22 कळ घड़ाय 16:5, कळ घड़ाय 21:2 23 जु पुर्यु गुलाम पावरनी सी हयु, चु डीलेन मनेन अनसारे पयदा हयु। ने इसाक जु अब्राहमेन लाडी सी पयदा हयु, चु ते भगवानेन वायदान अनसारे पयदा हयु। 24 ईनी वाते मां दाखलु छे, जे बायरा मानु की दुय वायदा छे, एक ते सीनाय उचु बयड़ान, तेरेमां सी गुलाम्यात पयदा हवे; ने ची हाजीरा छे। 25 ने हाजीरा मानु अरबेन सीनाय उचु बयड़ु छे, ने हय्न यरुसलेम तेरेन तसों छे, काहाकी हयी आपसा पुर्या समोत गुलाम मां छे। 26 बाकुन उपरनी यरुसलेम सहर बांदायली नी हय, ने ची आपणी माय छे।